He paniwaituhi o Ātiamuri, me Pōhaturoa, i ngā tau 1860-1870, i ngā tau i muri tata mai i 1870 rānei. Ko te pā o Ngāti Raukawa kei te wāhi ki mua. Image: ATL A-029-063 © Image copyright conditions

PItihana nŌ NgĀti Raukawa,
Ōtaki, ki a Kuini WikitŌria

"Nā tō [mua atu] Kāwana, nā Kāwana Kerei, i pēhi ngā Māori mō ō rātou hara, engari kāore mātou i pōuri i te mea i hāngai tonu i raro i te ture... kua mahi te Kāwana hou, a Kāwana [Gore] Browne... kia raupatutia hētia ngā whenua o Taranaki... [I tēnei] hara o te Kāwana ka noho pōuri mātou engari e whakapono ana mātou kāore koe e hiahia kia haere tonu... E tono ana mātou kia whakahokia tēnei Kāwana ki Ingarangi kei pūmau āna mahi ki konei."

A.F. McDonnell, MS Papers 151, Folder 19. Alexander Turnbull Library, National Library, Wellington.

Octavius Hadfield Image: ATL PAColl-6348-44 © Image copyright conditions

ĀtirĪkona Octavius Hadfield,
Ōtaki

"E pōuri ana te kite iho i te kūware me te pokanoa o te hunga whakahaere kaupapa. Kāore he putanga mō tēnei whenua ki te noho tonu a koroheke [Kāwana Gore] Browne ki konei..."

Archdeacon Octavius Hadfield in a letter to his brother, 29 June 1860. McWilliam, J., Church Missionary Society, Archives relating to the Australian and New Zealand Missions 1808-1884 (Alexander Turnbull Library, Micro-MS-Coll-04, Reel 54, J. McMillan letters and reports).

Tamati Waka Nene Image: ATL PA2-2721 © Image copyright conditions

TĀmati Waka Nene,
NgĀ Puhi, e kŌrero ana ki te whakaminenga i KohimĀrama, Ākarana

"Kāore au e whakaae ki te Pākehā mōku anake, engari mō tātou katoa…. Ko wai e mōhio ana ki ngā mahara o ngā Amerikana me ngā Wīwī? Nō reira, e kī ana ahau, haria mai ngā Ingarihi hei tiaki i a tātou. E kī ana ahau, whakaaehia te Kāwana hei Kāwana, whakaaehia te Kuini hei Kuini."

From the original Māori. [The English is an 1860 translation] Tamati Waka Nene of Ngā Puhi addressing the Kohimarama Conference of 1860. Proceedings of the Kohimarama Conference, Auckland, 1860.

Paora Tuhaere Image: ATL 1/2-073329-F © Image copyright conditions

Paora TŪhaere,
NgĀti WhĀtua, e kŌrero ana ki te whakaminenga i KohimĀrama, Ākarana

"I haria mai e Wiremu ngā paraikete. He poa ki ahau ēnei. Kāore ngā ika i mōhio he matau kei roto. I kainga te poa ka mau. Ka tūtaki ki tētahi rangatira, ka tukuna e Wiremu tana matau, ka mau he pononga mā te Kuini."

Quoted in T. Lindsay Buick, The Treaty of Waitangi, New Plymouth, 3rd ed. 1936, p. 281.

Rēnata Kawepō Image: ATL 1/4-022121 © Image copyright conditions

RĒnata KawepŌ,
NgĀti Kahungunu, i tana reta ki a Thomas Fitzgerald, Kaiwhakahaere o Te Matau a MĀui

"… arā, kua whati te Tiriti o Waitangi. E kōrerohia ana ko te Tiriti he tiaki i ngā Māori i ngā muru a iwi kē. Engari kāore aua nanakia i haere mai ki te muru i a mātou: i haere mai te mate i waenganui i a koutou... te iwi nā rātou te Tiriti i hanga. E Tā, ko koe tonu te mea i takahi i ō oati huhua..."

A.F. McDonnell, MS Papers 151, Folder 31. Alexander Turnbull Library, National Library, Wellington.

Octavius Hadfield Image: ATL PAColl-6348-44 © Image copyright conditions

MĀori matangaro nŌ Taranaki
ki a ĀtirĪkona Octavius Hadfield

"Hadfield, kāore ā mātou mahi hē engari koa kei te Kāwana kē te hē mō te raupatu whenua i Waitara. Koinā te tīmatanga o ngā mahi hē i tipu mai i te Kāwana … ko te tuarua he whakaara i te taua ki te haere ki Waitara mā te whenua, mā te moana i ngā pō. Ehara kē ia te pō mō te whānako?"

O. Hadfield, MS Papers 139, Folder 7. Alexander Turnbull Library, National Library, Wellington.

Rangi Topeora Image: ATL 1/2-058452 © Image copyright conditions

Rangi Topeora o NgĀti Toa,
Ōtaki, I tana reta ki a Donald McLean

“E Tā, ngā mihi ki a koe me ō mahi papai. I Ōtaki nei, kei te pokea ahau e ngā tāngata koretake e ngana nei ki te whakatū kīngi mō rātou... He whakatū raruraru rātou, he hōhā... [i hainatia e] Kuini Topeora."

McLean, MS Papers 32, Folder 685D. Alexander Turnbull Library, National Library, Wellington.

George Clarke Private Collection of Brian Shroff, courtesy of ATL © Image copyright conditions

George Clarke (HŌri Karaka),
Mihingare o mua me te Kaitiaki matua o ngĀ TĀngata Whenua

"Nā te whakaaro aha rā, i whakahē ai a Pūhipi i ngā tikanga ā-iwi me ngā tikanga ahakoa he aha, engari e whakaae ana e ai ki ā te Māori... tikanga i mua atu i te Tiriti o Waitangi, kua kore e āhei a [Te] Teira ki te hoko i ōna whenua. E kī ana [a Pūhipi] mēnā i hokona e [Te] Teira ōna whenua i mua atu i te Tiriti... kāore e kore ka whakakauraro a ia ki te mana rangatira o Wiremu Kingi. Ka whakaae ia ki te huarahi o Wiremu Kingi i mua atu i te Tiriti... ka ōrua tana whakaae ki ngā tika ā-iwi…. kia pūruatia te kōrero, ko te mana Rangatiratanga... i tino whakaaetia... ā i tino mārama ki ngā rōpū e rua i haina i te Tiriti..."

George Clarke, Remarks on a Pamphlet by James Busby, Auckland, 1861.

John Warren Image: Auckland City Libraries Ref: A658 © Image copyright conditions

Minita John Warren,
Mihingare WetEriana, he kanohi kitea ki ngĀ hui i Waitangi me Hokianga I runga i ngĀ kŌrero i te hainatanga o te Tiriti o Waitangi

"He rahi ngā kōrero a ngā tāngata whenua, e hāngai ana ki runga i te kaupapa o te pupuri i te rangatiratanga o te whenua, me tō rātou ake mana motuhake. Ahakoa ētahi atu o ngā mea katoa, e pai ana ki a rātou te taka atu ki raro i te maru o te Kuini, ā, e ai ki ā rātou kōrero huhua, nā te mōhio e ora ai rātou i te pāhua a ētahi atu iwi, me noho rātou i raro i te maru o te Kuini o Ingarangi. Tāku i rongo ai i rite katoa ā rātou kōrero, 'Kia kotahi tātou. I haria mai te Karaipiture i Ingarangi, tukuna mai te ture i Ingarangi.' Ōku whakaaro i tērā wā e mea ana au i te mārama pai rawa atu ngā tāngata whenua mēnā ka hainatia te Tiriti ka taka rātou ki raro i ngā tāngata o Ingarangi, ahakoa taku noho i waenganui i a rātou mō te tekau mā rima tau i tua atu i taua mahi, ā, he nui aku kōrero me rātou i runga i te kaupapa nei, kāore au i kite i te hua ki te huri i aku mahara. I te mataku rawa ngā tāngata whenua i ngā tāngata o Wīwī, ā i whakapono rātou i pai tā rātou mahi ki te whakanoho i te raiona o Ingarangi i waenganui i a rātou me te hōkioi o Wīwī."

Account written in 1863. Quoted in T. Lindsay Buick, The Treaty of Waitangi, New Plymouth, 3rd ed. 1936, pp .281-2.

Ko te Whare Karakia Rātana kei Mangamuka, i te takiwā o te tau 1948. Image: ATL 1/2-007739-F © Image copyright conditions

Te kupu whakaari a Aperahama Taonui

"Kaua e waiho i te Tiriti o Waitangi kia uhia ki te kara o Ingarangi, engari ki te korowai Māori, te kākāhu tūturu o tēnei whenua... Kei te haere mai te rā e kite ai koutou i te tangata e mau ana i ngā pukapuka e rua; te Paipera Tapu me te Tiriti o Waitangi. Whakarongo ki ana kōrero."

Quoted in J. M. Henderson, Ratana: the Man, the Church, the Political Movement, Wellington, 1963.

Ko Rewi Maniapoto, te rangatira o Ngāti Maniapoto nāna tēnei kōrero, e ai ki ētahi. Image: ATL PA2-1359 © Image copyright conditions

Whakautu Maori ki
a Tianara Cameron mŌ te pakanga i ŌrĀkau

"E hoa, ko te whakamārama ko tēnei, ka whawhai mātou mō ake, mō ake, mō ake tonu!"

Meiha W.G. Mair, ko ia te ūnga o ngā whakautu, i āhua rerekē ki ōna mahara, e mea ana "E hoa, ka whawhai tonu mātou ki a koe, ake, ake."

Ko te kōrero a Ngāti Maniapoto, ngā whanaunga o Rewi, e pēnei ana "E kore e mau te rongo – ake, ake."

Mair’s and Rewi’s versions are recorded in detail in James Cowan, The New Zealand Wars, 1922, reprint ed. Wellington, 1983, vol. 1, pp. 390-2.

Wirope Hoterini Taipari Image: ATL PA1-o-249-17-1 © Image copyright conditions

Wirope Hoterini Taipari,
NgĀti Rautao, NgĀti Maru, NgĀti Paora, NgĀti Whanaunga ki a KĀwana Bowen

"Kua rongo mātou kei te kimi tō tira i tētahi ture kia whai wāhi ki ō mātou whenua i waho atu i tō mātou tāone i Hauraki. Nā, me mutu te mahi a tō tira, nā te mea ehara taua whenua nō te Kuini, nō mātou ake.

Ko taua wāhi nei he mahinga pātiki, he kohinga tuangi, ā, he wāhi mahi manu mai i te wā o ō mātou tīpuna tae noa ki a mātou. Ko tenei whenua he tino taonga ki ō mātou tīpuna, i pakangatia, ā, kua mate hoki ngā tāngata mō aua whenua e haere nei mātou ki te hī ika, kohi tuangi me te manu. Kei a mātou tonu te mana o runga i aua whenua nei... Nā, whakamahia te mana o te Tiriti.

Nā te Tiriti te kī ka tika te noho a ngā Māori i raro i te maru o te Kuini, ka tiakina e ia ō mātou whenua, me ngā wāhi mahinga ika, kuku, tuangi me ngā manu. Nā, i te kitenga o te koura i Hauraki, e mea ana te Kuini he whenua ōna kei reira! E hoa, kia kaha ki te whakapūmau i ērā whenua me ō mātou whenua i tua atu o ngā papa paru ki a mātou."

Archives New Zealand, LE 1/1869, 124. Le 1/1869/124, National Archives, Wellington.

Francis Dart Fenton Image: ATL PAColl-7489-01 © Image copyright conditions

KaiwhakawĀ Matua Francis Dart Fenton,
KŌti Maori, Te WhakawĀnga i te kĒhi o te Kauwaeranga

"Nōku ōku whakaaro, kei te maumahara tonu ahau ki te mahea me te āhua tūturu o ngā tohutohu i whakatakotohia ki mua i te aroaro o Kāpene Te Hopihona, ko ngā whakaaro o ngā rōpū e rua ki te kirimana ki te whakapūmau ki ngā tāngata whenua te whakahaere tonu o ō rātou whenua, tae noa ki tā rātou i tūmanako ai kia tukuna ki te Karauna. I pupuri tonu ngā tāngata whenua ki a rātou anō... te ‘wāhi whai painga’ i te wā i whakatakaina ki te Karauna o Ingarangi te 'wāhi tiketike'...

Ākene pea kāore he tauira kē atu o tētahi koroni i whakatūria i runga i te āhua tōtika o Aotearoa, arā, i runga i te kirimana ki te iwi mohoao, i riro i te Karauna o Ingarangi te mana whenua, te wāhi tiketike, ā, i whakaūhia ki ngā tāngata whenua te wāhi whai painga, arā, te whakamahinga me te puritanga o ngā whenua...

Ko ngā whenua i taunahatia i mua, i te rā o te Tiriti o Waitangi, ngā whenua me ngā mahinga ika i tōna tini, i takitahi rānei te pupuri o ngā tāngata tūturu? I te mea, mēnā i pērā, ka mana te tino rangatiratanga i taurangitia ki ngā kaipupuri e te Karauna o Ingarangi. Otirā kua tino pono tēnei. Me kimi e tātou i roto i te Tiriti ake, te rongoā pono mō ō tātou raruraru, ā, ka noho i nāianei ki te whiriwhiri mehe i hapa te kī taurangi, i te tukunga o te mana whenua o te moutere ki te Kuini. Ā, ko te whakaaro nui, ko te kupu taurangi te tino pūtake mō te tukunga..."

4 Hauraki Minute Book 236. Maori Land Court. Published by A. Frame, Victoria University of Wellington Law Review, vol. 14 (1984), pp. 227-45.

Wiremu Tako Ngātata Image: ATL PA2-0262 © Image copyright conditions

Wiremu Tako NgĀtata,
NgĀti Te Whiti, Te āti Awa, Mema o te Kaunihera Hanga Ture, i ngĀ tautohetohe o te pĀremata I runga I te pire whenua rĀhui mŌ te tangata whenua

"He aha i riro ai ō mātou whenua me ō mātou whare ki raro i te maru [o ngā kaikomihana a te Kāwanatanga]? Nōku tōku whare, nōku taku koti, nōku anō taku tarau roa me aku hū hoki. He aha te take i rawekehia ai? He ture taurite anō mō ngā Pākehā? Kāore pea. Ā, ko te ture nei i hāngai ki ngā Māori anake... Kaua e kī mai he huarahi kē mō ngā Māori, he huarahi kē mō ngā Pākehā, kei te hē tēnā... Kei te pupū ki ōku whakaaro [i runga i te pire nei], kei te herea mātou ki te taura, kia rite ki te hōiho. Kua herea e koutou ngā Māori ki tētahi pōhi, ā, ka haramai ngā tāngata komihana ki te tiaki i a mātou... Ko koutou e kī ana ka tangohia ō mātou whenua hei painga mō ngā tāngata tūturu; ā, ka tangohia ō mātou whenua, ā, ka haria ā mātou tamariki kia ākona ki te kōrero i te reo Pākehā. Ā, kia puta mai i tō rātou kura, kei hea he whenua hei nohoanga mō rātou? Me noho rātou i runga i te wai, me rere rānei pēnei i te kererū? He aha te pai o te kī ka ākona ngā tamariki Māori ki te reo Pākehā? Mēnā ka kumea e koe te whenua i raro i a rātou he aha te painga o te mātauranga?... Kua kite tōku iwi i tēnei Ture, ā, kei te kī rātou ka rite ki te wā o Whēra, te wā i heia ai te ioka ki runga i ngā kakī o ngā tamariki o Iharaira. Kei te whakamahia anō taua āhua i nāia tonu nei. I te wā e ora ana mātou ka taea te ārai i ngā raruraru, engari ka mate ana mātou ko ā mātou tamariki ka rite ki ngā tamariki o Iharaira. Ka tangohia ō mātou whenua ka waiho ki roto i ngā ringaringa o ngā tāngata Kōmihana."

New Zealand Parliamentary Debates, vol. 15, 1873, pp. 984-5.

James Prendergast Image: ATL 1/2-031752:F © Image copyright conditions

TĀ James Prendergast,
KaiwhakawĀ Matua, mai i te whakawĀtanga o Wi Parata v Te PĪhopa o Te Whanga-nui-a-Tara me te RŌia Tianara

"I runga i te tūāpapa o tenei koroni, i rokohanga ngā tāngata whenua kāore ō rātou kāwanatanga, ā rātou tikanga noho ā-ture. Kāore e kore i ngā tau kua pahure ko te Kāwanatanga o Ingarangi e hiahia ana ki te whakanui i te mana motuhake o ngā tāngata o Aotearoa. Engari kāore i tinana, ā, kāore i tutuki i taua wā. Kāore i taea e ngā iwi Māori te whakahaere i ā rātou mahi, nō reira e kore e taea e rātou ngā tikanga a ngā iwi noho rangatira... Kāore he rōpū tōrangapū e taea ai te tuku te mana whenua, kāore hoki he mana whenua... Nō reira, ko te tumu e āhei ai te tuku i te mana whenua... [te Tiriti] he mea mana kore."

Wi Parata v Bishop of Wellington and the Attorney-General [1877] 3 NZ Jur (NS) 72.

Renata Kawepo Image: ATL 1/4-022121-G © Image copyright conditions

RĒNATA KAWEPŌ
HE RANGATIRA NŌ NGĀTI KAHUNGUNU, HERETAUNGA, KI A TĀ HŌRI KEREI

Ko tāku kupu tēnei ki a koutou, tōku mana, i whakapūmautia i raro i te Tiriti o Waitangi, e mana tonu nei. Nā Te Tiriti o Waitangi i kī... ko tōku mana motuhake mō taku whenua me noho rawa mai i ahau. Engari anō koutou e te iwi Pākehā, kua tae mai nei, kei te hīpoki koe i taua mana kia ngaro rawa. Ko tāku kupu tēnei ki a koutou, hauhakengia tēnei mana, tukua kia puta mai ki waho nā te mea i whakapūmautia, i whakamanaia hoki e te kupu a Te Kuini, arā, e te Tiriti o Waitangi. Koia ahau ka inoi atu nei ki a koe kia huraina mai taku mana, tahia atu te oneone e haupū nei i runga i a ia.

[Te Wānanga,29 December 1877 ].

Ko te marae o Ōrakei, i Takaparawhau, i Tāmaki-makau-rau i te takiwā o te tau 1890. Image: ATL E-571-q-037-2 © Image copyright conditions

Eruena Paerimu
ki ngĀ Rangatira i te hui i ŌrĀkei

"Kei te kōrero ahau i runga i te kaupapa o te Tiriti o Waitangi. Ko aku whakaaro e mea ana he ora me te mate kei roto i taua tiriti. Ka kōrero ahau mō te ora - ngā hua i riro mai i taua tiriti. Nā roto i ngā āhuatanga papai o te tiriti i whakakotahi ai tātou ki roto i tēnei whare i te rā nei ki te wānanga i ā tātou nawe, ā, kia tiakina tātou i ngā pakanga a ngā tāngata nō ētahi whenua kē. Kia kore taua Tiriti, kua nōhia tēnei whenua e ngā iwi kē, ā, ka turakina hoki tātou ki raro. Tuarua, i roto i taua tiriti rā i whakakorea ngā pakanga i waenganui i te iwi Māori. Koinei noa iho ngā hua e kite nei ahau i puta mai i te Tiriti o Waitangi.

Kei te kōrero ahau i nāianei mō ngā whakararu i ara ake i taua tiriti. E whakahau ana te Kuini i roto i taua tiriti ka mau tonu i a tātou te mana o ngā whenua; te mana o ngā ngahere, ngā mahinga ika, ngā wāhi kohinga pipi, me ētahi atu mea ka mau tonu ki a tātou te iwi Māori: engari i nāianei kua wareware aua kupu. Kāore anō i riro mai i a tātou aua hua; engari ehara nō te Kuini te hē – nō te Kāwanatanga o Aotearoa. Ko tētahi atu whakararu ko te Kōti Whenua Māori me ngā Karauna karāti. Nā aua karāti Karauna ka taka ō tātou mana. E mea ana ahau koinei ngā kino i ara ake i te Tiriti o Waitangi."

Appendix to the Journals of the House of Representatives, 1879, G-8, pp. 16-17.